我諗大家都知道我本身係極度敏感皮膚嘅，另外呢我亦都有少少濕疹啦。
雖然我既濕疹係好多年前已經好返，不過間唔時都會返發下少少嘅。
啱啱上一次轉天氣，我發現鼻翼兩邊突然間起咗濕疹！！！！痕到爆炸!於是我就諗用啲咩天然嘅方法可以醫好佢？
我回想番我以前次次生濕疹都係用死海鹽醫好嘅!
咁所以今次我又搵番之前買落嘅嗰一包死海鹽用。結果一個禮拜已經ko咗佢啦!!(當然要戒口啦，奶類，小麥類,所以糖類，以及你敏感既食物都要戒清)
然後keep住都有再用死海鹽開水洗面，意外發現佢唔單只可以幫到我嘅濕疹體痊癒，亦都可以令到啲毛孔收細!!!!!暗粒無晒!!!仲控油架!!!
所以我就再同大家分享返，記得係要用死海鹽!!!!普通海鹽係唔會有任何嘅醫治功效!!!
我喺短片呢都會同大家分享用法，千萬唔好用來做磨砂呀!係開水洗同敷呀!!!!
如果你有濕疹呀，暗瘡呀，你可以真係試下呢個方法!
記得記得個濃度好重要，一定要會有少少奶奶的感覺先至有功效㗎 !!!如果你係正常皮膚位置用嘅話，係沒有任何感覺嘅。只不過係如果你係有濕疹嘅位置或者你有暗瘡嗰啲位，先至會有感覺。記住唔好開得太濃，因為好容易拿傷嗰啲位置。
我用開都係呢隻死海鹽，其他麻麻，你係可以喺facebook嗰度搵佢地買，我都係消費者來架咋，你話我介紹不會有任何優惠的??。
希望幫到有濕疹或暗瘡既朋友啦。
